Now Hiring: Are you a driven and motivated 1st Line IT Support Engineer?

Blog

Aeroporti i Kukësit pret avionin e tij të parë pasagjerësh/ Në bord Rama dhe Balluku

09-1
Local Journalism News

Aeroporti i Kukësit pret avionin e tij të parë pasagjerësh/ Në bord Rama dhe Balluku

Aeroporti Zayed – Flatrat e Veriut në Kukës ka pritur avionin e parë të pasagjerëve, ku ndodheshin edhe kryeministri Rama dhe Ministria e Infrastrukturës dhe Energjisë, Balluku. Ndonëse Rama kishte premtuar se aeroporti do të kishte fluturimin e parë Londër-Kukës përpara zgjedhjeve, fluturimi i Air Albania që vinte nga Londra duhej të ndalonte fillimisht në Tiranë, pasi Aeroporti i Kukësit duhet të përfundojë procesin e certifikimit përpara se të marrë fluturime ndërkombëtare. Gjatë ndalesës në Tiranë, Ramës dhe Ballukut iu bashkuan 30 emigrantëve të ardhur nga Britania e Madhe, për të fluturuar me ta drejt Kukësit.

Ndërtimi i Aeroportit të Kukësit filloi në vitin 2003 si një investim dhuratë nga Emiratet e Bashkuara Arabe dhe që prej qershorit 2016 është nën administrimin e autoritetit të aviacionit civil. Aeroporti i Kukësit do të bëhet aeroporti i dytë civil në Shqipëri, pas Aeroportit Ndërkombëtar të Tiranës. Aeroporti do të kryejë kryesisht fluturime me kosto të ulët, të cilat pritet të kenë çmimet më konkurruese në rajon. Kryeministri Rama gjatë mitingut elektoral të mbajtur me këtë rast deklaroi se aeroporti do të nisë fluturimet ndërkombëtare në 50-60 ditët e ardhshme. Lidhjet direkte nga Kukësi do të përfshijnë Mbretërinë e Bashkuar, Zvicrën dhe Gjermaninë sipas ministres Balluku.

Aeroporti Ndërkombëtar i Kukësit “Zayed- Flatrat e Veriut” ka një pistë prej 2.2 kilometrash dhe kullën e saj të vrojtimit, ndërsa në pjesën e vendqëndrimit të avionëve, është projektuar për të mbajtur 3 avionë njëkohësisht, ndërkohë që brenda një ore mund të nisen 4 avionë nga Aeroporti i Kukësit.