Qendra e Tiranës për Gazetari Ekselente (TCJE) organizoi në Shkodër, në qendrën rinore Arka, në datën 7 tetor, një takim me student të gazetarisë nga Universiteti i Shkodrës, si pjesë e projektit me titull ‘’Zhvillimi i mendimit kritik ndaj medias shqiptare’’ financuar nga Instituti Shqiptar i Medias dhe Bashkimi Evropian.

Gjatë takimit u prezantua botimi ‘’Aftësimi mediatik’’ i përgatitur nga TCJE si pjesë e këtij projekti. Pjesëmarrësit treguan interes dhe kureshtje për botimin duke e vlerësuar atë si një ndihmë në mendimin kritik ndaj medias. Gjithashtu pati një bashkëbisedim të frytshëm rreth problemeve të medias në Shqipëri dhe asaj çka mund të bëhet për t’i ndryshuar.